Dy persona janë arrestuar gjatë ditës së djeshme në Prishtinë, pasi që dyshohet se kanë fyer dhe sulmuar dy zyrtarë policorë derisa ishin në kryerje të detyrës.
Siç raporton Policia e Kosovës në raportin 24 orësh, thuhet se rasti ka ndodhur në rrugën ‘Ilir Konushevci’ të kryeqytetit, ku si pasojë e këtij sulmi, policët kanë pësuar lëndime trupore.
Pas intervistimit dy të dyshuarit me vendim të prokurorit janë dërguar në mbajtje.
‘Janë arrestuar dy të dyshuar meshkuj K/ Shqiptar të cilët kanë fyer dhe sulmuar dy zyrtarë policorë derisa ishin në kryerje të detyrës, ku si pasojë e sulmit policët kanë pësuar lëndime trupore. Pas intervistimit dy të dyshuarit me vendim të prokurorit janë dërguar në mbajtje’, thuhet në njoftimin e Policisë.