Behram A. Behrami është personi i cili humbi jetën dje pasi ra nga një ndërtesë në Prishtinë
Viktima e moshës 60 vjeçare është nga fshati Vërbnicë i komunës së Mitrovicës, shkruan Gazeta Sinjali.
Dëshmitarët kanë deklaruar se ai ka rënë aksidentalisht pas përfundimit të punës, nga një lartësi prej rreth 20 metrash.
Rasti ka ndodhur rreth orës 17:45 tek ndërtesa në rrugën ‘Robert Doll’, menjëherë pas kësaj në vendin e ngjarjes kanë dalur Policia dhe ekipet mjekësore ku edhe e kanë konstatuar vdekjen e viktimës.
Dëshmitarët që në këtë rast janë punëtorët që e kanë pasur koleg viktimën nga Mitrovica, kanë rrëfyer se nuk e kanë parë momentin kur ai ka rënë nga kati i 7 i ndërtesës.
Punëtorët kanë treguar se ata e kanë vërejtur kur nuk e kanë parë të pranishëm në mjetin (kombi) me të cilën do të udhëtonin për në shtëpi, ata janë kthyer për ta kërkuar atë dhe e kanë parë se ai ka rënë nga kati i 7 dhe ka vdekur.
Po ashtu punëtorët kanë treguar se i ndjeri punonte për ta mbajtur gjallë familjen e tij pasi nuk po i kishte kushtet e mira materiale.
Ndërkohë Prokuroria këtë rast e ka cilësuar si të vdekje të dyshimtë dhe që do ta heton deri në fund.
Lajmin e ka konfirmuar zëdhënësja e Policisë së Kosovës për Rajonin e Prishtinës, Flora Ahmeti.
“Sot ne ora 17:45 kemi pranuar informacion se nje person ka rene nga nje ndertese ne rrugen “Robert Doll” ne Prishtine. Menjehere ne vendin e ngjarjes kane dale njesitet e nevojshme policore dhe ekipi mjekesor, i cili ne vendngjarje ka konstatuar vdekjen e viktimes( mashkull). Per rastin jane njoftuar institucionet kompetente”, tha Ahmeti.
