Fatos Zekolli nga Bllaca e Suharekës ka mbetur i vdekur në Loxhë të Pejës mëngjesin e të premtes.
27-vjeçari ishte duke punuar me ekskavator së bashku me vëllanë e tij Latifin, e ku synim kishin vendosjen e dy shtyllave elektrike në një pronë private.
“Tu e ngrit shtyllën lartë, ka prekë në tension të naltë, edhe përmes rrymës elektrike ka pasë aksident”, tha axha Zenel Zekolli.
27-vjeçai në gjendje të rendë, u mor e u dërgua në Spitalin Regjional të Pejës.
Në vendin e ngjarjes dolën edhe policia, të cilët nisën hetimet për rastin.
Kurse, familja Zekolli tashmë në fshat ka hapur dyert për krye shëndosh.
Trupi i pajetë i të ndjerit është dërguar në IML për obduksion, dhe nesër pritet t’i rikthehet familjes, ku edhe pritet të kryhet ceremonia e varrimit.
