Terroristi Milan Radojiçiq është liruar nga paraburgimi.
Gjyqtari për procedurën paraprake të Gjykatës së Lartë në Beograd, pasi dëgjoi të pandehurin Milan Radojiçiq për arsyet e caktimit të paraburgimit, refuzoi propozimin e Prokurorisë së Lartë Publike në Beograd për të caktuar masën e paraburgimit për shkak të rrezikut të arratisjes.
Njëkohësisht, Radoiçiqit, i është caktuar masa e ndalimit për t’u larguar nga vendbanimi, e cila i ka ndaluar të largohet nga territori i Serbisë pa miratimin e gjykatës dhe i është ndaluar të shkojë në territorin e Kosovës, dhe është urdhëruar që çdo datë 1 dhe 15 të muajit të paraqitet në stacionin policor kompetent.
Po ashtu, Radoiçiqit i është konfiskuar përkohësisht edhe dokumenti i udhëtimit, përkatësisht pasaporta e Serbisë, ndërsa i pandehuri është paralajmëruar se ndaj tij mund të caktohet paraburgimi nëse i shkel ndalesat dhe detyrimet, thuhet në komunikatë.
