Sevilla kualifikohet në çerekfinale, eliminon Manchester Unitedin

0
258

Sevilla ka shënuar fitore me rezultat 1-2 në “Old Trafford” ndaj Manchester Unitedit, për ta eliminuar nga Liga e Kampionëve.

Skuadra spanjolle, Sevilla ka bërë befasinë më të madhe në këtë fazë të Ligës së Kampionëve, duke eliminuar Manchester Unitedin.

Skuadra e Mourinhos kishte arritur të barazonte 0:0 në udhëtim, por u mposht në stadiumin e vet 1-2 nga spanjollët.

Të dy golat për mysafirët i shënoi Ben Yedder (72′ dh 74′), ndërsa golin e vetëm për Unitedin e shënoi Romelu Lukaku, që nuk ishte i mjaftueshëm.

Lidhur me humbjen është deklaruar trajneri i Manchester United-it, Jose Mourinho.

“Ky është futbolli, ne humbëm, por nesër është një ditë e re dhe të shtunën është një ndeshje tjetër. Jam i kënaqur me lojtarët, por s’kemi kohë për dramë”.

“Kemi pasur periudha të mira sonte, nuk e kemi kontrolluar gjithë ndeshjen, por mund të them se s’ishte asgjë gabim me lojtarët e mi”. Kishim mundësi të mira për të shënuar, por ata shënuan të parët dhe më pas ishte e vështirë. Goli i dytë e bëri të pamundur rikthimin.

“U munduam të jemi agresiv dhe intenziv nga minuta e parë. Nuk shënuam gol, dhe ata e kontrolluan ndeshjen”, tha Mourinho.