Disa persona janë gjuajtur sonte me armë zjarri në rrugën “Ukshin Hoti” në Prishtinë.
Rastin e ka konfirmuar për lajmi.net edhe Bajram Krasniqi nga policia e Kosovës.
“Sonte në ora 21:20 është raportuar se në rrugën ‘Ukshin Hoti’ në Prishtinë, ka ndodhur një rast, gjuajtje me armë, nga persona që ishin në dy vetura në lëvizje. Policia ka dalë në vendin e ngjarjes dhe është duke trajtuar rastin”, ka thënë Krasniqi.
Në anën tjetër, nuk dihet nëse ka persona të plagosur lidhur me këtë rast.
Një rast i ngjashëm para disa ditëve kishte ndodhur edhe në lagjen “Bregu i Diellit” dhe nuk dihet nëse persona të njëjtë kanë shkëmbyer zjarr edhe sonte.
