Reshjet e pandërprera të shiu si dhe moti i keq që po vazhdon të mbizotërojë në vend ka ndikuar që të ndërpriten të gjitha fluturimet në Aeroportin e Prishtinës ‘Adem Jashari’.
Përmes një njoftimi në faqen zyrtare të aeroportit është bërë e ditur se fluturimet që kanë qenë të planifikuara për sot në mbrëmje janë anuluar.
Në njoftim gjithashtu u tha se fluturimet që kanë qenë të planifikuar nesër deri pas orës 12:00 janë të anuluara.
Ende s’është bërë e ditur nëse vijat e rregullta të fluturimeve do të vazhdojnë pas këtij orari.
