Veteranët e Luftës së Ushtrisë Çlirimtare të Kosovës, sot shënojnë ditën e tyre, shkruan Fokusi.info.
Sipas ligjit, Dita e Veteranit shënohet më 30 dhjetor, për të përkujtuar sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës.
Më 30 dhjetor 1991 filloi përballja e familjes Jashari me forcat ushtarake serbe në Prekaz, ku nga kjo filloi edhe rezistenca ushtarake e UÇK-së.
Me rastin e kësaj dite, Organizatat e dalura nga Lufta e UÇK-së, në ora 10:00, do bëjnë homazhe në vendin e sakrificës në Prekaz, mëpastaj në Marinë ku janë të skalitur emrat e të gjithë dëshmorëve, si dhe degët do të bëjnë homazhe në varrezat dhe lapidarët kudo në Kosovë./Fokusi.info/
