Veteranët e Luftës së Ushtrisë Çlirimtare të Kosovës, sot shënojnë ditën e tyre, shkruan Fokusi.info.
Sipas ligjit, Dita e Veteranit shënohet më 30 dhjetor, për të përkujtuar sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës.
Më 30 dhjetor 1991 filloi përballja e familjes Jashari me forcat ushtarake serbe në Prekaz, ku nga kjo filloi edhe rezistenca ushtarake e UÇK-së.
Me rastin e kësaj dite, organizatat e dala nga lufta e UÇK-së do të bëjnë homazhe në ora 11:00 në Kompleksin memorial në Prekaz, si dhe do të ketë një organizim festiv në orët e mbrëmjes./Fokusi.info/
