Sonte (e shtunë) do të mbahet finalja e madhe e “Eurovision 2019”, në Tel Aviv të Izraelit.
Këngëtarja shqiptare, Jonida Maliqi, do të ngjitet në skenë e dyta, për të interpretuar këngën e saj “Ktheju Tokës”, me të cilën përfaqëson Shqipërisë sivjet në këtë festival.
Ajo pati një paraqitje të shkëlqyer të enjten në natën e dytë gjysmë-finale, nga ku edhe arriti të sigurojë votat e duhura të publikut dhe jurisë profesionale, për tu kualifikuar në kë natën finale.
Jonida Maliqi në kartolinën prezantuese të Shqipërisë në “Eurovision 2019” (Foto: YouTube)
Përpara prezantimit të çdo kënge, ashtu siç është traditë në “eurovision”, përgatiten kartonalina të veçanta për të prezantuar shtetin dhe artistin që konkurron.
Kartolinat e sivjetme janë realizuar të gjitha në Izrael, duke përzgjedhur lokacionet më të bukura dhe interesante për promovimin e shtetit mikpritës të edicionit të sivjetmë të “Eurovision”-it.
Edhe kartolina e këngëtares Jonida Maliqi duket të jetë një nga më të veçantat këtë vit, e cila e sjell këngëtaren nën ritmet e lehta teksa vallëzon me katër balerina në mes të natyrës.
Kjo kartolinë është xhiruar në Banias Nature Reserve të Izraelit.
Banias është emri hebraik modern i një vendi të lashtë që u zhvillua rreth një pranvere të lidhur dikur me zotin grek, Pan. Ajo ndohet në fundin e e malit Hermon, në veri të lartësive të Golanit.
Banias përndryshe është edhe një nga degët kryesore të lumit Jordan. Arkeologët zbuluan një vend të shenjtë kushtuar Panit dhe hyjnive të lidhura me të, dhe mbetjet e një qyteti të lashtë të krijuar dikur pas pushtimit nga Aleksandri i Madh dhe i banuar deri në vitin 1967.
Karakteri i sivjetmë i kartolinave ka qenë vallëzimi, ndaj çdo artisti ka realizuar performanca të ndryshme në lokacionin ku ata e kanë xhiruar kartolinën prezantuese.
Jonida Maliqi në kartolinën prezantuese të Shqipërisë në “Eurovision 2019” (Foto: YouTube)
Jonida përndryshe mban kodin “02”, për të gjithë shqiptarët jashtë shteteve të Shqipërisë që kanë të drejtë vote ndaj saj.
