Kryetari i Nismës Socialdemokrate, Fatmir Limaj do të takohet sot me kreun e AAK-së, Ramush Haradinaj.
Takimi i dy liderëve vjen pas zyrtarizimit të koalicionit me PSD-së e AAK-së, dhe mundësisë që të njëjtit t’i bashkohet edhe partia e Fatmir Limajt, shkruan lajmi.net.
Këtë të ditur e ka bërë edhe vetë Haradinaj gjatë ditës së djeshme.
“Nesër (sot) do të takohemi me kryetarin e Nisma Fatmir Limaj. Ideja është për zgjerimin e koalicionit, ftojmë edhe AKR-në të na bashkëngjitet” ka thënë Haradinaj.
Ndryshe, në bazë të marrëveshjes së koalicionit parazgjedhor, PSD-ja në listën për deputetë do të ketë gjithësej 25 kandidatë.Bartës i listës është kryeministri i deritanishëm, Ramush Haradinaj.