Të enjten do të mbahet seanca e parë plenare e Kuvendit të Kosovës për sesionin vjeshtor.
Deputetet do t’i shqyrtojnë disa marrëveshje ndërkombëtare dhe parashihet mbajtja e debatit parlamentar për çështjen e sigurimit të librave shkollorë.
Pas mbledhjes së Kryesisë së Kuvendit, shefja e Grupit Parlamentar të Lëvizjes Vetëvendosje, u shpreh që pret efikasitet në Kuvend gjatë vjeshtës.
Ndërkaq, për takimin mes kryeministrit Albin Kurti dhe presidentit serb, Aleksandër Vuciq, tha se pret që të zbatohet marrëveshja e Brukselit dhe ajo e Ohrit.
