Një person është arrestuar nga autoritetet palestineze pasi tentoi të transportonte 14 zogj të rrallë duke i fshehur brenda pantallonave.
Policia kufitare e ndaloi shtetasin në kufirin mes West Bank dhe Jordanisë pasi punonjësit vunë re diçka të pazakontë brenda pantallonave të tij.
Pasi e kontrolluan ata gjetën të lidhur tek këmbët e tij 14 zogj të një lloji shumë të rrallë.
Ai rezultoi se nuk kishte licencë për transportimin e tyre. Gjithashtu ai deklaroi për policinë se i kishte blerë shpendët në Jordani dhe do t’i shiste ata në West Bank.
“Ne do të luftojmë fenomenin e shfrytëzimit të kafshëve” – deklaroi shefi i Autoritetit Kufitar.
