Presidenti i Kosovës, Hashim Thaçi, sot ka udhëtuar për në Zvicër, ku pritet të marrë pjesë në Forumin Botëror Ekonomik të Davosit.
Thaçi nesër do të jetë pjesëmarrës në panelin ‘Dialogu Diplomatik për Ballkanin Perëndimor’ dhe gjatë ditës do të ketë takime bilaterale edhe me liderë të ndryshëm shtetesh që po marrin pjesë në këtë forum.
Kreu i shtetit do të jetë i pranishëm edhe në adresimin e Presidentit të Shteteve të Bashkuara të Amerikës, Donald Trump, drejtuar liderëve të të gjitha vendeve pjesëmarrëse.
Thaçi do të marrë pjesë edhe në darkën zyrtare të shtruar nga organizatorët e Forumit Botëror Ekonomik për udhëheqësit e shteteve në Davos.
Në Davos po qëndron edhe homologu serb i Thaçit, Aleksandar Vuçiq.
