Ushtria ruse lëshoi një deklaratë për mediat ku shprehet se nuk është duke shenjestruar qytetet ukrainase gjatë sulmit të saj në këtë vend.
“Forcat e Armatosura Ruse nuk janë duke lëshuar asnjë raketë apo sulm artilerie në qytetet e Ukrainës. Armë të precizionit të lartë shkatërruan infrastrukturën ushtarake, fushat ajrore, si dhe pajisjet e mbrojtjes ajrore. Civilët nuk janë në rrezik”, shkruhet mes të tjerash në deklaratë.
Mediat ndërkombëtare raportojnë se shpërthime të fuqishme janë dëgjuar në disa rajone të Ukrainës dhe në rrethinat e Donbasit, aty ku Putin shpalli një operacion ushtarak special.