Policia e shtetit ka dënuar disa shkelës të rregullave të trafikut, duke i pezulluar edhe lejet e drejtimit për shkak të shpejtësisë, transmeton Fokusi.info.
Policia njëkohësisht iu bën thirrje qytetarëve që të qarkullojnë brenda rregullave.
Vijon kontrolli i pandërprerë me radar i rrugëve urbane e interurbane, për të parandaluar aksidentet rrugore qe vijnë si pasoje e shpejtësisë mbi normat e lejuara, veçanërisht ne qendrat e banuara.
Në segmentin Sauk-Mullet në Tiranë, prej orëve të mbrëmjes së djeshme dhe deri në orën 01.00 të mëngjesit të sotëm është konstatuar një numër i vogël shkelësish mbi normat e lejuara te shpejtësisë, ku janë pezulluar vetëm 4 leje drejtimi për shpejtësi, 138 km/h deri në 155 km/h.
Mos shpejtoni se në rastin më të mirë do dorëzoni patentën tek Polici rrugor e në rastin më të keq do arrini aksidentin rrugor.
Mbrojeni jetën, jeta është e shtrenjtë, qarkulloni brenda rregullave që të arrini në destinacion shëndoshë e mirë e me patentën në xhep, pasi edhe ajo ju duhet për të mbajtur familjet tuaja.
Sa më pak shkelje aq më shumë siguri jete ka në rrugë.
