Një tjetër shqiptar është vrarë sot në burgjet greke. Gazetari Shpëtim Zinxhirija me banim në Athinë bën me dije se ngjarja ka ndodhur në burgun e Trikallasë, ku i vdekur ka mbetur një i burgosur me origjinë nga Shqipëria.
29 vjeçari shqiptar, emri i të cilit nuk është mësuar ende, është qëlluar me thika gjatë një perleshjeje në mes të burgosurve në burg, duke humbur jetën gjatë dërgimit në spital.
Kjo është vdekja e dytë gjatë 20 ditëve të fundit të shqiptarëve në burgjet greke, ç’ka tregon se nuk kemi të bëjme me një rastësi nëse marrim në konsideratë numrin e lartë të të vrarëve me origjinë shqiptare gjatë muajve të fundit në këto burgje.
