Kryetari i komunës së Vushtrrisë dhe kandidati i kësaj partie nga LDK, Xhafer Tahiri e ka pranuar humbjen në zgjedhjet që u mbajtën sot.
Ai ka thënë se e respekton në plotni vullnetin e qytetarëve.
Kësisoj, ai ia ka uruar fitoren Ferit Idrizit të PDK-së.
Postimi i plotë i Tahirit në Facebook:
Të dashur qytetarë të Vushtrrisë,
Në liri e demokraci, zgjedhjet janë festë, ju me votën tuaj sot i dhatë besimin kundërkandidatit tim z. Ferit Idrizi.
Ky është vullneti i shumicës së qytetarëve të Vushtrrisë, e unë dhe LDK e respektojmë në plotni vullnetin qytetarë, prandaj më lejoni të uroj z. Ferit Idrizin për fitore në Vushtrri.
Të dashur votues të LDK, e qytetarë të Vushtrrisë faleminderit për besimin tuaj.
E kam pasur nderin e privilegjin më të madh të ju shërbejë me nderë e përkushtim në Vushtrrinë tonë.
Shihemi në beteja të reja politike./Fokusi.info/