Tashmë jemi edhe zyrtarisht në javën e ndeshjeve të kombëtares së Kosovës.Kombëtarja e Kosovës do të ballafaqohet me Anglinë me 17 nëntor në stadiumin ‘Fadil Vkorri’ në Prishtinë.
Një ndeshje e jashtëzakonshme na pret të dielën – pasi në rast të mos dështimit në Çeki, atëherë gjithçka sa i përket ‘EURO2020’ do të vendoset në kryeqytet.
Kombëtaren e Kosovës do ta kenë mundësi ta shohin edhe në Francë, kjo pasi televizioni publik L’Equipe TV ka siguruar të drejtat televizive për transmetim në shtetin e madh evropian.
Këtë e ka konfirmuar për ‘GazetaBlic’, Gramoz Vokrri, i cili thekson se L’Equipe TV ka shprehur interesim për transmetim të këtij dueli.
Tashmë gjithçka është zyrtare dhe ky ballafaqim do të transmetohet edhe në Francë dhe çdo qytetar i këtij shteti që ka TV në shtëpi mund ta shikojë këtë duel.
Kjo është një mundësi shumë e mirë për vendin tonë – për lojtarët dhe mbi të gjitha për kombëtaren e Kosovës, pasi mbi të gjitha është një lobim në vendin kampion bote të vitit 2018.
