Një person ka mbetur i lënduar si pasojë e një aksidenti trafiku që ka ndodhur pak më parë në fshatin Zhabar të komunë së Mitrovicës.
Lajmi për aksidentin në fjalë është konfirmuar nga zëdhënësi i policisë për rajonin e Mitrovicës, Avni Zahiti.
Zahiti tha se në aksident janë përfshirë dy automjete, derisa shtoi se personi i lënduar është dërguar për tretman të mëtutjeshëm mjekësor.
“Rreth orës 15:30, në rrugën Mitrovicë – Zubin Potok (Fsh. Zhabar), ka ndodhur një aksident i trafikut rrugor në mes të dy automjeteve. Si pasojë e aksidentit një person ka pësuar lëndime. Personi i lënduar është dërguar për tretman mjekësor”, tha ai.
