Anglia ka marrë pikët e plota në ndeshjen e parë në Grupin A, duke e mposhtur Çekinë me rezultat të thellë 5-0 dhe duke e nisur për mrekulli rrugëtimin për “Euro 2020”.
Në ndeshjen e parë në Grupin A, aty ku bën pjesë edhe Kosova, Anglia ka triumfuar 5-0 ndaj Çekisë.
Në këtë ndeshje shkëlqeu sulmuesi i Manchester City, Raheem Sterling me het-trik, 24’, 62’ dhe 68’, kurse golat tjetërë i shënuan Harry Kane në fund të pjesës së parë dhe autogol, Kalas në minutën e 84’.
Pas kësaj fitore, Anglia ka shkuar në kuotën e tri pikëve në Grupin A, Bullgaria e Mali i Zi me nga një dhe Kosova e Çekia në fund me zero pikë.
Kosova ndeshjen e parë do ta zhvillojë të hënën në stadiumin “Fadil Vokrri” kundër Bullgarisë.
