Është anuluar vendimi për këmbimin e pronave komunale në “Prishtina e Re” me prona private në Badovc.
Pas një debati të gjatë në seancën e jashtëzakonshme të Kuvendit Komunal në Prishtinë, të enjtën u mor vendimi për anulimin e pronave.
Ani pse ky vendim vitin e kaluar ishte miratuar, sot me 27 vota për, Kuvendi Komunal vendosi që të anulojë.
Në seancë nuk ishin të pranishëm asamblistët e LDK-së, të cilët pothuajse në fillim të seancës lëshuan sallën.
Kryetari i Prishinës, Përparim Rama në fjalën e tij në seancë ka ftuar Prokurorinë Speciale për hetime në Ministrinë e Administrimit të Pushtetit Lokal (MAPL), dhe në Ministrinë e Financave për këmbimin e këtyre pronave.
Ai po ashtu tha se ky vendim ka rrjedh nga një proces i cili ka fillu nga qeverisja e kaluar.
