Polica e Kosovës ka arrestuar të dyshuarin që ka plagosur pak qaste më parë një person tjetër në Veterik.
Se personi i dyshuar është arrestuar për Gazetën Sinjali e ka konfirmuar Flora Ahmeti, zëdhënëse e policisë për Rajonin e Prishtinës.
“I dyshuari është arrestuar dhe i është konfiskuar arma, viktima është dërguar në spital”, ka thënë Ahmeti.
Sipas stafit mjekësor, gjendja e të plagosurit është stabile. Lajmin për Gazetën Sinjali e ka konfirmuar, Baki Kelani, zëdhënës në Policinë e Kosovës.
Kelani tha se policia është në kërkim të personave të dyshuar, ndërkohë nuk dihen ende motivet që çuan deri te plagosja.
“Me datën 17.12.2019 rreth orës 17:00 kemi pranuar një informate për një person të plagosur me armë zjarri në Veternik -Prishtine. Njësit Policore iu kanë përgjigjur rastit dhe kanë dalur menjëherë në vendin e ngjarjes. Sipas informacioneve të para nga tereni viktima i plagosur menjëherë është transportuar në drejtim të QKUK-së, dhe gjendja shëndetësore sipas stafit mjekësor është stabile, jashtë rrezikut për jetë. Njësitet policore janë duke kryer hetime intensive lidhur ke rastin, përderisa janë edhe në kërkim te të dyshuarit/ve. Për informata shtesë ju informojmë me kohe”, tha Kelani.
