Presidenti i SHBA -ve, Joe Biden, duke qëndruar në Poloni, paralajmëroi Vladimir Putinin që as nuk duhet ta mendojë lëvizjen në territorin e NATO-s.
“Mos mendoni as të lëvizni në një centimetër të vetëm të territorit të NATO-s”, tha Biden gjatë një fjalimi në Varshavë, raporton CNN, transmeton Fokusi.info.
Ai tha se SHBA-të ishin të përkushtuara ndaj detyrimeve të mbrojtjes kolektive të përcaktuara në kartën e NATO-s “me fuqinë e plotë të fuqisë sonë kolektive”.
“Ndëshkimet e shpejta janë të vetmet gjëra që do ta bëjnë Moskën të ndryshojë drejtimin. Të gjitha demokracitë e botës kanë përgjegjësinë për ta ndihmuar Ukrainën. Lufta ka qenë tashmë një dështim strategjik për Rusinë”, ka thënë Biden.
Por Biden e bëri të qartë se konflikti aktual në Ukrainë – jo një anëtare e NATO-s – nuk kërkon që Amerika të përfshihet drejtpërdrejt.
“Forcat amerikane nuk janë në Evropë për t’u përfshirë në konflikt me forcat ruse, forcat amerikane janë këtu për të mbrojtur aleatët e NATO-s,” tha ai./Fokusi.info/
