Gazetari Berat Buzhala ka bërë një lutje publike për kryeministrin e Shqipërisë, Edi Rama. Ai ka kërkuar që të hapë një pikë për vaksinimin e kosovarëve dikur afër kufirit Kosovë-Shqipëri.
Me anë të një shkrimi në Facebook, Berat Buzhala ka thënë se edhe Shqipëria është në zor të madh, ama është e turpshme për shtetin e Kosovës që mijëra qytetarë të vaksinohen në Serbi.
” Nuk ka poshtërim më të madh për shtetin e Kosovës që i lejon qytetarët e vendit të vet me pranu vaksina prej qeverisë së Serbisë. Qe këshilla ime për Ramen dhe qeverinë e tij. Le t’i ndaje disa doza në javë, le të themi 5-6 mijë dhe le t’i caktoje grup moshat, bie fjala brenda një javës ata qe i kane 74-75 vjeç. Javën tjetër ata qe i kane 73-74 vjeç. E di qe nuk do te ishte shume as për Shqipërinë, por do te ishte shume për ne qe kemi prindër te vjetër”, ka shkruar Buzhala.
Tutje ai ka thënë se për momentin Kosova nuk ka Qeveri që kujdeset për qytetarët.
“Qeveria jone po merret me budallakina. Albinit as nuk po i bën përshtypje qe Vucici me shumë se sa ai po kujdeset për qytetaret e tij. Për Albinin është tepër me rendësi me e fitu betejën publike me Vucicin ne takimin e tyre te pare ne Bruksel”, është shprehur Buzhala në shkrimin e tij.
