Katër ditë pas konstituimit të Kuvendit të Kosovës Lëvizja Vetëvendosje nuk është takuar me Lidhjen Demokratike të Kosovës, në përpjekje e sipër për të arritur koalicionin qeverisës.
Burime të Gazeta Blic kanë bërë të ditur se gjatë kësaj jave lideri i VV Albin Kurti pritet ta ftoj në takim kryetarin e LDK Isa Mustafa.
Sipas këtyre burimeve ende nuk është e qartë dita se kur do të ndodh një takim i radhës, por që janë shprehur të sigurt se brenda javës do të ndodh takimi Kurti Mustafa.
“ Brenda javës kryetari Kurti do ta ftoj në takim kryetarin e LDK Isa Mustafa për t`ia bërë të qartë ofertën e VV. VV do të ketë katër ministri dhe pozitën e kryetarit të Kuvendit , ndërsa LDK gjashtë ministri me kushtin që njëra nga këto ministri ti kthehet VV në momentin që zgjedhet presidenti”, kanë treguar këto burime.
Gazeta Blic ka provuar të marrë një qëndrim nga VV për këtë, por që askush nga partia që ka dal fituese, nuk ka pasur përgjigje.
