Kuvendi i Komunës së Pejës ka vendosur që një rruge të këtij qyteti t’ia vendosë emrin “Tifozat Kuq e Zi”.
Këtë gjë e ka konfirmuar vetë grupi i tifozëve “Tifozat Kuq e Zi” përmes një postimi në rrjetin social Facebook.
Ky është postimi i plotë i tyre në Facebook:
“Ndërkohë në Pejë, Kuvendi Komunal ka vendosur që një rrugë e këtij qyteti ta mbaj emrin “Tifozat Kuq e Zi”.
Kjo është një mirënjohje për të gjithë ato djem e vajza që për 15 vjet rresht kanë qenë zëri i miliona shqiptarëve anembanë trojeve etnike dhe jo vetëm, në përkrahje të ngjyrave, hymnit, simboleve dhe të emrit Shqipëri!”
