Kryeministri i Republikës së Kosovës, Albin Kurti ka emëruar sot Florim Isufi, këshilltar politik të jashtëm (pro-bono) për gjeoinformacion dhe çështje të kufirit.
Kështu është bërë e ditur përmes një komunikate për medie nga Zyra e Kryeministrit.
Sipas komunikatës, bashkëpunimi i tyre tani do të vazhdojë si pjesë e kabinetetit.
“Bashkëpunimi i mëhershëm i kryeministrit Kurti me profesorin Isufi për çështje të kufirit, tani do të vazhdojë në kuadër të kabinetit të tij. Ai i uroi punë të mbarë në detyrën dhe përgjegjësinë e re”, thuhet në komunikatë.
