Kryetari i Grupit Parlamentar të LDK-së, Arben Gashi, tha se gjatë qeverisjes së kryeministrit Kurti në raport me Veriun “gjithmonë ka qenë një tensionim para një lëshimi”.
Siç deklaroi ai, gjithmonë është krijuar një situatë e tensionuar pastaj është bërë një lëshim duke filluar me targat, dokumentet, krizën me energjinë, marrëveshjen e Brukselit pastaj marrëveshja e Ohrit.
“Ajo që është vërejtë në këto tri vitet e qeverisjes së z.Kurti në raport me situatën në Veri ka qenë gjithmonë një tensionim para një lëshimi. Pra, gjithmonë është krijuar një situatë e tensionuar pastaj është bërë një lëshim duke filluar me targat, dokumentet, krizën me energjinë, marrëveshjen e Brukselit pastaj marrëveshja e Ohrit. Regjistrimi i pronës së Kishës Ortodokse, tashmë Marrëveshja për çështjen e përdorimit të valutës dhe po ashtu marrëveshja për lejmin e mbajtjes së zgjedhjeve të jashtëzakonshme në Veri”.
“Pra janë lëvizje tensionim për të shtensionuar dhe lëvizje që kërkojnë të krijojnë një simpati momentale popullore për të bërë një lëshim”, tha ai në Pressing.
