Një person është gjetur pa shenja jete pranë lumit në fshatin Lutogllavë të Pejës.
Rastin e ka konfirmuar zëdhënësi i Policisë për rajonin e Pejës, Driton Rugova.
“Sot rreth orës 14:20, Policia është informuar se ne fshatin Lutogllavë-Pejë, një person është i shtrirë pranë lumit, Njësitet relevante menjëherë kanë dalë ne vendngjarje, gjithashtu edhe ekipi mjekësorë i cili ka konstatuar se personi i shtrirë është pa shenja jete”, tha Rugova.
Ai tha më tej se me urdhër të Prokurorit të shtetit trupi i viktimës është dërguar ne Institutin e Mjekësisë Ligjore, Prishtinë për obduksion.
Sipas tij rasti cilësohet Hetim i Vdekjes.