Prindërit gjermanë që nuk do të arrijnë t’i vaksinojnë fëmijët e tyre me vaksina kundër fruthit do të përballen me dënime.
2 mijë e 500 euro parashihet të jetë gjoba sipas një draf legjislacioni nga ministri i Shëndetësisë së shtetit, shkruan CNN, transmeton Klan Kosova.
“Dua ta çrrënjos fruthin”, ka thënë ministri i Shëndetësisë, Jens Spahn.
“Secili fëmijë që shkon në kopsht apo shkollë duhet të jetë i vaksinuar kundër fruthit”, ka thënë ai.
Spahn ka theksuar se prindërit duhet ta shpalosin vërtetimin se fëmija i tyre është i vaksinuar kundër këtij virusi.
