Kryeministri në detyrë, Ramush Haradinaj, ka premtuar 10 për qind rritje pagash në sektorin publik për çdo vit.
Haradinaj, ka thënë se fokus i qeverisë së tij pas 6 tetorit, do të jetë sektori privat dhe gjenerimi i vendeve të reja të punës, njofton Klan Kosova.
“Jemi ka mundohemi me i dhanë përkrahje sektorit privat. Kemi ra dakord me i rritë pagat për 10% në sektor publik, pra çdo vit, pra është e mundshme se rreth 4.5% është rritja ekonomike tash, pra rritja e bruto produktit vendor”, ka thënë Haradinaj në një tubim në Prishtinë.
Ai ka thënë se nëse luftohet ekonomia informale, siç planifikohet, atëherë pagat mund të rriten edhe për 10% më shumë se që planifikohet.
“Ndërsa, nëse e zbresim informalitetin për 4% në katër vitet që vijnë, që i bie 16%, që prapë do të ketë informalitet, pra nuk po themi me qitë në zero, atëherë i bjen që krijohen mundësitë reale edhe për rritje pagat edhe për 10% në vit. Në sektorin privat synojmë me ndërmarrë veprime direkt në krejt lehtësina tatimore, pra ta zgjerojmë listën e produkteve që lirohen nga tatimi”.
