Kryeministri në dorëheqje, Ramush Haradinaj, në Ditën Nacionale të Zvicrës ka shprehur urimet më të përzemërta për këtë vend.
“Shteti Zvicran ka qenë strehë e qindra shqiptarëve në kohë të vështira historike dhe sot me të drejtë vazhdon të jetë shtëpia e dytë e shumë bashkatdhetarëve tanë”.
Haradinaj përmes një statusi në Facebook ka thënë se Kosova është me fat që ka aleatë si Zvicra.
“Në rrugëtimin tonë si shtet, Zvicra e ka përkrahur fuqishëm Kosovën në të gjitha proceset shtetndërtuese, dhe ne jemi me fat që kemi aleatë të tillë”.