Në New York po mbahet seanca e jashtëzakonshme e Këshillit të Sigurimit të Kombeve të Bashkuara për situatën në Kosovë, me kërkesë të Serbisë, pas hyrjes në fuqi të Rregullores së Bankës Qendrore të Kosovës, që ndalon përdorimin e dinarit serb në Kosovë.
Kryeministri i Kosovës, Albin Kurti i është kundërpërgjigjur propagandës së presidenti serb Aleksandar Vuçiq, i cili tha se serbët e Kosovës po persekutohen.
Kurti tha se këto janë pretendime të rrejshme nga nga vendi që ka kryer gjenocidin e fundit në shekullin e fundit.
“Të gjitha këto janë pretendime të rrejshme të persekutimeve nga një vend që është i njohur që ka kryer gjenocidin e fundit të shekullit 20. Kosova doli nga lufta si simbol i luftës për dinjitet dhe triumf i të drejtave të njeriut. Nuk kemi qenë të trishtuar, kemi ndërtuar vetën në një shoqëri shumëertnike dhe shumëkulturore me një shtet që sheh përpara dhe është solid demokratik. Çerekshekulli pas luftës qëndrojmë krenarë si Republikë për të gjithë, shoqëri shumëetnike për të gjithë.”, tha Kurti.
Ai një nga një tregoi për respektimin e të drejtave të qytetarëve serbë të Kosovës.
Kurti tha se ideja se Kosova po kryen spastrim është gënjeshtër.
Ai tha se qeveria serbe përhap frikë dhe pretendime të rrejshme.
Kryeministri foli edhe për projektet milionëshe për serbët.
Kurti i përmendi edhe shkeljet e të drejtave të shqiptarëve në Serbi dhe shlyerjen e adresave të tyre, që sipas tij po e bëjnë shpopullimin e Luginës së Preshevës.
“Kosova është storie suksesi e ndërhyrjes së NATO-s me partnerët. Ky përparim është theksuar nga një numër organizatash…Rritja jonë ndahet me pakicat, e zbatojmë Kushtetutën me masat më të larta të mbrojtjes së pakicave. 20 ulëse në parlament për pakicat, 10 janë për serbët, për respektimin e gjithë popullatës në Kosovë. Serbët kanë 10 nga 38 komuna”, tha tutje Kurti.
“Mbetemi të sigurt që gjuha serbe është gjuhë zyrtare çdo kund”.
Ai përmendi edhe faktin për ndarjen e shumë granteve për komunat me shumicë serbe.
