Juventusi nuk po heq dorë nga transferimi i Iscos nga Real Madridi.
Zonja e Vjetër ka disa afate që po tenton ta transferojë mesfushori spanjoll që nuk është i lumtur te Los Blancos.
Sipas asaj që raporton Calciomercato, kampioni i Serie A-së mund të tentojë transferimin e Iscos në afatin kalimtar të janarit.
Spanjolli e ka humbur rëndësinë që e kishte te Zinedine Zidane dhe tani po qëndron më shumë në bankën rezervë.
Bianconerët thuhet se e kanë bërë prioritet transferimin e Isco, madje po ndihmohen edhe nga Cristiano Ronaldo.
Ylli portugez besohet se e dëshiron ribashkimin me spanjollin dhe në dimër mund të bëjnë një ofertë prej 70 milionë eurove për të.
