Ushtruesi i detyrës së kreut të OVL-UÇK-së, Faton Klinaku ka reaguar lidhur me konfirmimin e aktakuzës nga Specialja drejt kreut të PDK-së, Kadri Veseli.
Klinaku deklaroi se lufta e UÇK-së, është e pastër dhe se askush nuk do të mund ta dëmtojë atë.
Klinaku tha se këtë informacion e mori vesh përmes mediave dhe se çështja është se të gjitha këto veprime që po i bën kjo gjykatë janë antikushtetuese.
“Natyrisht që ne jemi duke i bërë përpjekjet tona që përmes deputetëve të Kuvendit të Kosovës ta çojmë në Gjykatën Kushtetuese për interpretim “,tha Klinaku në T7.
