Kryeministri Albin Kurti gjatë Forumit të Prespës i ka bërë një vërejtje publike emisarit europian, Miroslav Lajçak, për mënyrën se si po punohet në drejtim të Asociacionit.
Ai tha se fillimisht duhet të vijë pajtimi mbi principet e më pas shkrimi i drafteve.
“Nuk është çështja që të shumohen draft-tekstet, por që të pajtohemi për principet dhe pastaj të shkruajmë tekstin. Ne mund të sjellim tekste të ndryshme dhe të gjejmë vlerën mesataren aritmetike, siç bën zakonisht emisari Lajçak . Por, kjo ç’po na çon përpara, nëse ne nuk pajtohemi për frymën e tekstit. Është e kotë të përpiqesh të biesh dakord për letrën e tekstit”.
Kurti tha se ka pasë shumë dokumente që janë nënvizuar me ngjyra, të cilat u përdoreshin për të treguar se cila pjesë e paragrafit bën, cila s’bën e në cilën duhet të punohet.
“Unë dua të pajtohem për principe, për atë se çfarë duam”.
