Ministrja e Jashtme e Kosovës, Meliza Haradinaj, ka qenë dje cak i një sulmi kibernetik.
Kryediplomates kosovare gjatë pasdites së djeshme i është hakuar llogaria e saj në Facebook.
Si rrjedhojë, ajo nuk ka pasur qasje në Facebook.
E në lidhje me këtë, policia ka njoftuar se është aktivizuar edhe Njësia e Krimeve Kibernetike si dhe prokurori i Shtetit.
“Ankuesja f/k ka raportuar se nuk ka qasje në llogarinë e Facebookut, llogaria është hakuar. Në lidhje me rastin është njoftuar njësia e Krimeve Kibernetike dhe prokurori i shtetit”, thuhet në raportin 24 orësh të Policisë së Kosovës.