Valon Murati, kryetar i Lëvizjes për Bashkim përmes rrjetit social “Facebook”iu ka bërë apel shqiptarëve dhe të gjithë qytetarëve në Maqedoninë e Veriut që ta votojnë Blerim Rekën për president.
“Jam i bindur se në këto rrethana varianti dhe kandidati më i mirë është profesor Reka”, ka shkruar Murati.
“Në këtë kontekst i thërras të gjithë shqiptarët, por edhe maqedonasit, të votojnë profesor Rekën si kandidatin më të mirë për president të Maqedonisë së Veriut në zgjedhjet presidenciale që do të mbahen më 21 prill të këtij viti”, ka shkruar tutje Murati.
Statusi i plotë i Muratit:
“I kuptoj dinamikat e brendshme politike në Maqedoninë e Veriut dhe nevojën për të pasur një president i cili do t’i zhbllokonte proceset politike e jo si deri më tani, presidenti të jetë një prej penguesve kryesor të tyre. Megjithatë nuk besoj se kjo duhet të bëhet duke mohuar një pjesë e partive politike shqiptare mundësinë që shqiptarët të kenë kandidatin e tyre për president, e i cili mund të jetë lirisht edhe kandidat i maqedonasve. Krejt e logjikshme do të ishte që koalicionet përfundimtare të jenë ato të pas balotazhit. Deri atëherë, pse të mos bëhen përpjekje që profesor Blerim Reka të kalojë në balotazh dhe të jetë kandidati konsesual edhe i shqiptarëve e edhe i maqedonasve. Andaj jam i bindur se në këto rrethana varianti dhe kandidati më i mirë është profesor Reka. Në këtë kontekst i thërras të gjithë shqiptarët, por edhe maqedonasit, të votojnë profesor Rekën si kandidatin më të mirë për president të Maqedonisë së Veriut në zgjedhjet presidenciale që do të mbahen më 21 prill të këtij viti”.
