Nënkryetarja e Kuvendit të Kosovës nga radhët e Lëvizjes Vetëvendsoje, Arbërie Nagavci shprehu shqetësimin e saj lidhur me shkurtimin e buxhetit për arsim.
Madje një gjë të tillë Nagavci e sheh si pasojë e vendimeve të Qeverisë Hoti, që sipas saj nuk ka plane dhe strategji të mirëfilltë për zhvillimin e vendit.
“Buxhetin e Ministrisë së Arsimit që do të duhej ta shtonin, e shkurtuan për 12.5 milionë euro më pak se sa që kishte planifikuar Qeveria Kurti. Investimeve kapitale në arsimin para universitar që prekin direkt procesin mësimor nëpër komuna, u shkurtuan në shumën prej 5.7 milionë euro”, shkroi ndër të tjerash ajo.
Gjtihasthu Nagavci shtoi se zvogëlimi nuk i ka shpëtuar as arsimi për fëmijët me nevoja të veçanta që me rishikim ka 173 mijë euro më pak.
Sa për krahasim, Nagavci përmend se buxheti për arsim 2020 në Qeverinë Kurti ishte 76,540,015 euro, ndërsa në Qeverinë Hoti, pas rishikimit të buxhetit, kjo shifër është më e ulët – 63,016,678 euro.
