Zëvendësguvernatori i BQK-së, Sokol Havolli, përmes një postimi në ‘Facebook’, ka bërë të ditur se ka hyrë në fuqi marrëveshja në mes BQK- së dhe BKS-së që policat e sigurimit për diasporën të lëshohen me kosto zero, sepse do të subvencionohen nga Qeveria e Kosovës
Postimi i Havollit:
Pas angazhimit të përbashkë të BQK-së, Qeverisë së Kosovës dhe Byrosë Kosovare të Sigurimit, në minutat e parë të datës 1 gusht 2020, u printua polica e parë e sigurimit për diasporën me zero kosto, e subvencionuar nga Qeveria.
Punët në vazhdim duhet të orientohen në anëtarësimin e Kosovës në Kartonin e Gjelbër, e përkohësisht të sigurojmë të drejtat tona përmes ndonjë shteti mik të Kosovës. Për të arritur këtë, është e domosdoshme ulja e numrit të automjeteve të pasiguruara në vend.
