Një konfrontim i drejtpërdrejt mes NATO-s dhe Rusisë është Luftë e Tretë Botërore

Presidenti i ShBA-së, Joe Biden, ka thënë se NATO nuk do të luftojë kundër Rusisë në Ukrainë, pasi kjo është Luftë e Tretë Botërore.

“Dua të jem i qartë: ne do të mbrojmë çdo pëllëmbë të territorit të NATO-s me fuqinë e plotë të një NATO-je të bashkuar dhe të mbrojtur mirë”, ka shkruar Biden në një postim në Twitter, transmeton Fokusi.info.

“Por ne nuk do të luftojmë kundër Rusisë në Ukrainë”, u shpreh tutje Biden.

“Një konfrontim i drejtpërdrejt mes NATO-s dhe Rusisë është Luftë e Tretë Botërore. Diçka që duhet të përpiqemi ta parandalojmë”, përfundoi presidenti.