Mbrëmjen e së enjtes është djegur një veturë në lagjen Bregu i Diellit në Prishtinë.
Rreth orës 21:00 të së enjtes një veturë është përfshirë nga zjarri në lagjen Bregu i Diellit në Prishtinë.
Me të marrë informacionin të gjitha njësitë e nevojshme kanë dalë në vendin e ngjarjes.
Zëdhënësi i Policisë së Kosovës, Daut Hoxha, ka treguar për lajmi.net, se dyshimet e para janë që vetura ka pasur ndonjë defekt teknik dhe nuk bëhet fjalë për djegie të qëllimshme të veturës.
“Pas arritjes së ekspertit të zjarrit në vendin e ngjarjes dhe vlerësimeve fillestare sipas tij, zjarri që ka përfshirë veturën në Bregun e Diellit në Prishtinë nuk ka qenë i qëllimshëm, por dyshohet se mund të ketë ardhur si pasojë e ndonjë defekti teknik. Pas konfirmimeve përfundimtare mund të njoftoheni me informacione shtesë nga kompetentët”, ka treguar Hoxha.
