Zëdhënësi i Qeverisë Kurti, ka reaguar në lidhje me punësimet e familjarëve, duke u munduar të arsyetojë ato.
Kryeziu, përmes një postimi në Facebook, tha se Sami Uka (vëllau i deputetit Fitim Uka), i cili u emërua këshilltar politik i Arben Vitisë, dhe Rabit Konjufca (xhaxhai i Glauk Konjufcës), që u emërua këshilltar politik i ministrit të mbrojtjes, tha se janë të emëruar sepse nuk janë të zgjedhur.
Zëdhënësi i Qeverisë Kurti, përmendi njohuritë e tyre duke i vendosur si arsyetime për pozitën që ata kanë tani.
‘’ Sami Uka është specialist i mjekësisë familjare dhe është magjistër i kujdesit parësor shëndetësor i diplomuar nga Universiteti i Londrës. Përvoja e tij profesionale përfshinë angazhimin si mjek në International Medical Corps dhe zyrtar i lartë në Organizatën Botërore të Shëndetësisë.
Kurse, Rabit Konfjuca ka të përfunduar Fakultetin e Mbrojtjes dhe Sigurisë. Ka qenë pjesëtar i UÇK-së, TMK-së dhe FSK-së. Ai ka përvojë dhe njohuri në fushën e sigurisë, e cila është e veçantë dhe e vlefshme për shkak se përshkon të gjitha fazat e transformimit të ushtrisë sonë’’, shkroi Kryeziu.
Në fund ai tha se ministrave u takon ta përzgjedhin stafin dhe bashkëpunëtorët e tyre.
Ky është postimi I plotë:
‘’ Sami Uka dhe Rabit Konjufca janë të emëruar politik të ministrive respektive. Ata janë të emëruar sepse nuk janë të zgjedhur.
Sami Uka është specialist i mjekësisë familjare dhe është magjistër i kujdesit parësor shëndetësor i diplomuar nga Universiteti i Londrës. Përvoja e tij profesionale përfshinë angazhimin si mjek në International Medical Corps dhe zyrtar i lartë në Organizatën Botërore të Shëndetësisë.
Kurse, Rabit Konfjuca ka të përfunduar Fakultetin e Mbrojtjes dhe Sigurisë. Ka qenë pjesëtar i UÇK-së, TMK-së dhe FSK-së. Ai ka përvojë dhe njohuri në fushën e sigurisë, e cila është e veçantë dhe e vlefshme për shkak se përshkon të gjitha fazat e transformimit të ushtrisë sonë.
U takon ministrave ta përzgjedhin stafin dhe bashkëpunëtorët e tyre që ata mendojnë se do t’u ndihmojë dhe që i besojnë në kryerjen e detyrave dhe në përmbushjen e zotimeve.’’
