Turma e mbledhur për protestë në Veri është shpërndarë, raporton T7 nga atje.
Tubimi në veri të Kosovës, ka përfunduar pak pas fjalimit të kreut të Listës Srpska, Goran Rakiq, shkruan Gazeta Express.
Protesta ka nisur pas mosarritjes së një marrëveshje për t’u organizuar zgjedhjet nacionale të Serbisë, në Kosovë.
Mirëpo, Rakiq, në fjalimin e tij, tha se të gjithë të angazhuarit e komunitetit serbë në institucionet e Kosovës do ta pezullojnë punën e tyre, për shkak të suspendimit të kryetares e Gjykatës Themelore në Mitrovicë, Liljana Stevanoviq.
Stevanoviq u shkarkua, pasi mori pjesë në një mbledhje në Beograd, krah presidentit serb, Aleksandër Vuçiq.
