Rritja e numrit të rasteve pozitive me COVID-19 në vendin tonë ka bërë që sot në ora 09:00 të mblidhet komitetit ndërministror për t’i shqyrtuar masat e reja antiCOVID.
Në këtë mbledhje pritet të propozohet që gastronomia të punojë deri në orën 21:00 dhe ora policore të vendoset prej orës 22:00. Po ashtu mësohet se do të shqyrtohet edhe çështja që në Kosovë të lejohet hyrja e personave që janë të vaksinuar me tri doza antiCOVID-19.
Kujtojmë se dje IKShPK njoftoi se janë regjistruar 2 mijë e 50 raste të reja të infektimeve me koronavirus, krahasuar me një ditë paraprake që ishin 720.
