Një grua rreth 50-vjeçare është shtypur për vdekje nga treni. Ngjarja ka ndodhur këtë pasdite në aksin hekurudhor Peqin- Elbasan, në afërsi të fshatit Lazaren të Peqinit.
Gruaja me inicialet M.B është gjetur mbi shinat e trenit e dëmtuar dhe pa shenja jete.
Policia thotë se nga hetimet paraprake dyshohet se ajo mund të jetë aksidentuar nga treni që kalon në këtë zonë. Ndërkohë që makinisti është shoqëruar nga policia.
“Grupi hetimor vijon punën për sqarimin e plotë të rrethanave të ngjarjes”, thuhet në një njoftim zyrtar të policisë.
