Zëvëndësshefi i zyrës së presidentit ukrainas Kirilo Timoshenko, e ka publikuar mbrëmë një video ku forcat ukrainase pohojnë se kanë marrë kontrollin mbi qytetin Liman në zonën e Donetskut.
Një ushtar ukrainas ka thënë se forcat e armatosura të Ukrainës “ kanë liruar dhe kanë marrë kontrollin” mbi Limanin, raporton Reuters, transmeton Klankosova.tv.
Ndërkohë Rusia më herët ka deklaruar se forcat e tyre janë tërhequr dhe po qëndrojnë në pozicionet rezerve.
Guvernatori ukrainas për rajonin e Luhanskut, Serhiy Haidai , ka deklaruar se rimarrja e Limanit është një ndër faktorët kyç për kthimin e territoreve të humbura.
