Ka ndërruar jetë një person në Ferizaj, pasi që nuk ka mundur t’i mbijetojë plagëve të marra nga therrja me thikë.
Rasti ka ndodhur mbrëmjen e sotme rreth orës 21:30, ndërsa ai ishte dërguar për trajtim në Emergjencë, ku edhe ka vdekur.
Lajmin për Indeksonline e ka konfirmuar zëdhënës i policisë për rajonin e Ferizajt, Agim Gashi.
“Rreth orës 21:30 ka ndërruar jetë personi i cili është therur me thikë. Bëhet fjalë për një mashkull i moshës 24-vjeçare”.
“Në vendngjarje kanë dalë policia, prokurori, forenzika dhe njësitet relevante”.
“Policia i ka dy persona të dyshuar lidhur me rastin dhe po punon për t’i kapur”.
