Gjatë ditës së sotme ka ndërruar jetë Miftar Raci, ish-ushtar i Ushtrisë Çlirimtare të Kosovës. Këtë e ka bërë të ditur bashkëluftëtari i tij, Rexhep Selimi.
Përmes një shkrimi në Facebook, Selimi ka thënë se Raci jetoi me nderë e me krenari, duke qenë një burrë patriot e bujar.
Postimi i plotë i Selimit:
U nda nga jeta MIFTAR HAJRË RACI nga Siqeva.
Jetoi me nderë e me krenari, duke qenë një burrë patriot e bujar.
Me pushkën gjithmonë pranë, Baci Miftar e nderoi familjen dhe konakun e tij, atë konak ku priti Adem e Hamëz Jasharin me shokë, aty ku u priten me bujari shumë heronj e luftëtarë të Lirisë, atë konak që e ktheu në qerdhe të luftëtarëve të UÇK-së.
Emri i tij do të kujtohet gjithmonë me respekt e nderim nga gjithë ata që e njoften.
E kisha për nderë që bashkë me shumë shokë e bashkëluftëtarë të kalonim kohë te gjatë bashkë me Bacin Miftar Hajrën.
Lavdi jetës së tij.
“Emri i tij do të kujtohet gjithmonë me respekt e nderim nga gjithë ata që e njoften. E kisha për nderë që bashkë me shumë shokë e bashkëluftëtarë të kalonim kohë te gjatë bashkë me Bacin Miftar Hajrën.
Lavdi jetës së tij”, ka shkruar Selimi.
